🎯 ကျေးဇူးတော်သက်သေ
(Testimony of GRACE)
👉 ပုပ်ရဟန်းမင်းကြီးဖရန်စစ်က ၂၀၁၆ ခုနှစ်၊ စက်တင်ဘာလ ၄ ရက်နေ့မှာ မာသာထရေဇားကို ရဟန္တာတင်မြောက်တာဆိုတော့ ယခုနှစ်မှာ ၄ နှစ်ပြည့်မြောက်ခဲ့ပါပြီ။ မနက်ဖြန် စက်တင်ဘာလ ၅ ရက်နေ့ဆိုရင် သူ့ရဲ့ပွဲနေ့ဖြစ်ပါတယ်။
👉 မာသာထရေဇားရဲ့ ကြားဝင်ဖြန်ဖြေပေးမှုကြောင့် ဘုရားရဲ့ကျေးဇူးတော်တွေ အကြိမ်ကြိမ် ကျွန်တော် ခံစားခဲ့ရဖူးပါတယ်။
👉 ကျွန်တော့်ရဲ့ "မာသာထရေဇားရဲ့ ဘဝနှင့်အတွေးအမြင်"စာအုပ်ကို စပြီး ရေးသားဖို့ စိတ်ကူးရစဉ်ကတည်းက မာသာထရေဇားဆီ ကျွန်တော် ကြိတ်ပြီး ဆုတောင်းတစ်ခု ပြုခဲ့ပါတယ်။
👉 နောက် အဲဒီစာအုပ်ကို ဆရာဂျိုးဇက်ကုန်းဇမှုန်းက ထုတ်ဝေပေးပါတယ်။ ဒါပေမဲ့ ကံဆိုးစွာနဲ့ပဲ ကိုဗစ်-၁၉ ကပ်ရောဂါဖြစ်လာတဲ့အတွက် စာအုပ်ဖြန့်ချိမှု အဆင်မပြေခဲ့ပါဘူး။
ဘုရားကျောင်းတွေ ပြန်ဖွင့်တော့မှပဲ စာအုပ်တွေ ရောင်းရမယ်ထင်ပါရဲ့။
👉 ဒါပေမဲ့ တိုက်တိုက်ဆိုင်ဆိုင်ပဲ ဒီကနေ့မှာ ကျွန်တော် အခါခါမက်ခဲ့တဲ့ အိပ်မက်တစ်ခု အကောင်အထည်ဖော်ခွင့် ရခဲ့ပါတယ်။ ဒါဟာ တခြားအရာတွေကြောင့် ဘယ်လိုမှ မဖြစ်နိုင်ပါဘူး။ မာသာထရေဇားကြောင့်ပါပဲ။
သူ့ဆီ ကျွန်တော် တောင်းခဲ့တဲ့ဆု ပြည့်ခဲ့ပါပြီ။
❤️ မာသာထရဇေား၏ ချစ်ခြင်း၌
- ဇို(တီးတိန်)
No comments:
Post a Comment