အသိေပးေက်းဇူးတင္လႊာ

ဘ၀ရဲ့မီးအိမ္ ျမန္မာကက္သလစ္ဘေလာ႔(ခ္)ေလးသုိ႔ လာေရာက္အလည္ပတ္သူမ်ားအားလုံးကုိ ေရွးဦးစြာ ေက်းဇူးတင္ေၾကာင္းေျပာလုိပါတယ္။ ယခုကဲ႔သုိ႔ေသာ ျမန္မာကက္သလစ္ဘေလာ႔(ခ္)ကုိ တင္ႏုိင္ခြင္႔ ေပးသနားေတာ္မူေသာ ပုဂိၢဳလ္သုံးပါး၊ တစ္ဆူတည္းေသာ ခရစ္ေတာ္ဘုရားရွင္အား ဦးစြာ ေက်းဇူးတင္ပါသည္။ ယခု ဘေလာ႔(ခ္) တြင္ တင္ထားသမွ်ေသာ ပုိ႔(စ္)မ်ားျဖစ္ေစ၊ ပုံမ်ားျဖစ္ေစ၊ အားလုံး အားလုံးေသာ စာသားမ်ားသည္ ကြၽန္ေတာ္ ကုိယ္တုိင္ ေရးသားထားေသာ၊ ဘာသာျပန္ထားေသာ စာသားမ်ား ပါ၀င္သည္သာမကပဲ၊ ေဖ႔(စ္)ဘြတ္ ေပၚမွာ ျဖစ္ေစ၊ တျခားေသာ ၀က္ဆုိက္(ဒ္)မ်ားမွ ျဖစ္ေစ သိသင္႔၊ သိထိုက္သည္႔ အေၾကာင္းအရာမ်ားကုိ ကူးယူ၊ ကုိးကား၊ တင္ျပထားျခင္းသာျဖစ္ပါသည္။ ဆက္လက္ျပီးေတာ႔လည္း အၾကံေပးျခင္း၊ လမး္ညႊန္မႈေပးျခင္းမ်ားကုိ မည္သူမဆုိ လြတ္လြတ္လပ္လပ္ အၾကံျပဳခ်က္ပၚတြင္ ေရးသားႏုိင္ပါေၾကာင္းလည္း အထူးသတင္းေကာင္းပါးအပ္ပါသည္။ အေယာက္စီတုိင္း ဘုရားရွင္၏ မခန္းေျခွာက္ႏုိင္ေသာ၊ မကုန္ဆုံးႏုိင္ေသာ ေကာင္းၾကီးမဂၤလာ၊ ေက်းဇူးေတာ္မ်ားကို ခံစားႏုိင္ေစပါမည္႔ အေၾကာင္း ဆုမြန္ေကာင္းေတာင္းလ်က္…….. The Lamp of the Life!

Sunday, October 25, 2020

လက်ငါးချောင်းပုံပြင်

🎯 လက်ငါးချောင်းပုံပြင်
      ••••••••••••••••••• ✍️ ဇို(တီးတန်)

တစ်ခါတုန်းက လက်ငါးချောင်းဟာ ရန်ဖြစ်ကြသတဲ့။ တစ်ယောက်ချင်းစီက သူသာ အားလုံးရဲ့ ခေါင်းဆောင်ဖြစ်သင့်တယ်လို့ ယူဆတွေးထင်နေကြတယ်။ သူတို့တွေဟာ တစ်ယောက်နဲ့တစ်ယောက် ရန်ဖြစ်တဲ့အထိ အငြင်းပွားတိုက်ခိုက်နေကြတယ်။


“နားထောင်ကြပါဗျာ”လို့ လက်မက အမောတကော ပြောဆိုလိုက်ပါတယ်။
“ပညာရှိကြီးထံသွားပြီး သူ့ကို ခေါင်းဆောင်ရွေးခိုင်းကြစို့”
လက်ချောင်းကလေးတွေဟာ သူတို့ဘာသာ ပဋိပက္ခမဖြေရှင်းနိုင်တဲ့အတွက် တောင်ထိပ်တစ်ခုပေါ်မှာရှိတဲ့ ပညာရှိကြီးရဲ့ တဲကလေးဆီကို ရောက်လာခဲ့ကြတယ်။
“ကဲ… လက်ချောင်းကလေးတွေရေ….ဘာလို့ ဒီကို ရောက်လာကြတာတုံး”လို့ ပညာရှိကြီးက ဆီးကြိုပြီး မေးလိုက်တယ်။
“အားလုံးက သဘောမတူနိုင်ကြလို့ ဆရာကြီးဆီ အရောက်လာခဲ့ကြတာပါ”လို့ လက်မက ပြန်ဖြေလိုက်တယ်။ “ပြီးတော့ ငါတို့အထဲက ခေါင်းဆောင်တစ်ယောက်လောက် ရွေးပေးဖို့ ဆရာကြီးကို အကူအညီ လာတောင်းတာပါ။ သူတို့က ငါ့ကို ဘာလို့ မရွေးကြတာလဲဗျ။  ငါက တခြားလူတွေနဲ့ မတူဘူး။ ကွဲပြားတယ်။ ခြားနားတယ်။ သူတို့တွေက အနည်းအများ ခပ်ဆင်ဆင်လေးတွေလေ”

“ငါပဲ ခေါင်းဆောင်ဖြစ်သင့်တာ”လို့ လက်ညှိုးက ပြောလိုက်တယ်။ သူက ပညာရှိကြီးရဲ့ မျက်နှာရှေ့တည့်တည့်မှာ လက်ဝှေ့ယမ်းပြလိုက်တယ်။ “ငါမရှိရင် ကျောင်းဆရာတွေက စာသင်ကြားပေးနိုင်မှာမဟုတ်ဘူး။ ငါမရှိရင် တရားဟောဆရာတွေကလည်း ဩဝါဒပေးနိုင်မှာမဟုတ်ဘူးဗျ”

“မဟုတ်သေးဘူး၊ မဟုတ်သေးဘူးဗျ”လို့ လက်ခလယ်က ကြားဖြတ်ပြောလိုက်တယ်။ “ငါ့မှာ ပိုကောင်းတဲ့အကြံတစ်ခုရှိတယ်ဗျ။ ဘယ်သူ အရပ်အရှည်ဆုံးလဲဆိုတာ တန်းစီပြီး တိုင်းကြည့်ကြစို့။ အရှည်ဆုံးက ငါပါပဲကွာ။ ဒါ့ကြောင့် ငါပဲ ခေါင်းဆောင်ဖြစ်သင့်တာဗျ”

လက်သူကြွယ်က ဒေါသထွက်သွားတယ်။
“မေးခွန်းတစ်ခုလောက် မေးပါရစေခင်ဗျ။ လူတွေ ထိမ်းမြားလက်ထပ်တဲ့အခါ လက်ထပ်လက်စွပ်ကို ဘယ်မှာ စွပ်ကြသလဲ။ ငါ့ကိုယ်ပေါ်မှာပဲပေါ့။ ဒါ့ကြောင့် ငါပဲ ခေါင်းဆောင်ဖြစ်သင့်တာ”

“နေပါဦးကွာ”လို့ လက်သန်းက အော်ပြောလိုက်တယ်။
“ငါ့ကိုပဲ ခေါင်းဆောင်ခန့်ကွာ။ ငါ့ကိုပဲ ခန့်ကြပါဗျာ”
တခြားလက်ချောင်းကလေးတွေက သူ့ကို လှောင်ပြောင်ရယ်မောကြတယ်။
“ခင်ဗျားတို့ မဟုတ်သေးဘူးနော်။ နားထောင်ကြစမ်းပါဗျာ။
လူတွေ ဘုရားကျောင်းသွားတဲ့အခါ လက်အုပ်ချီးပြီး ဘုရားသခင်ကို ရှိခိုးကိုးကွယ်ကြတယ်မဟုတ်လား။ ဘုရားစင်နဲ့ အနီးကပ်ဆုံးဟာ ငါဖြစ်နေတော့ ဘုရားရှင်နဲ့ အနီးကပ်ဆုံးသူဟာ ငါပဲလေ။ အဲဒီတော့ ငါ့ကိုပဲ ခေါင်းဆောင်ခန့်ကြ”

လက်ချောင်းကလေးတွေက ပညာရှိကြီးထံ ပြန်လှည့်လာကြတယ်။ ပညာရှိကြီးက သူ့ရဲ့တဲအပြင်ဘက်ရှိ အဆုံးအစမဲ့ တောင်စဉ်တောင်တန်းတွေကို ငေးကြည့်လို့နေတယ်။
“ဘယ်သူက ခေါင်းဆောင်ဖြစ်သင့်သလဲဆိုတာ ငါတို့ကို ပြောပြပေးပါလားဆရာကြီး”
ပညာရှိကြီးက သူတို့ဘက်ကို လှည့်ပြီး ပြုံးပြလိုက်တယ်။
“ခေါင်းဆောင်တစ်ယောက်တည်းပဲ မရှိဘူး။ ခေါင်းဆောင်မှာ လေးယောက်ရှိတယ်ဗျ”
“ဟုတ်လားဗျ။ ဒါဆိုရင် ဘယ်တစ်ယောက်က ကျန်လေးယောက်ရဲ့ ငယ်သားလဲဗျ”လို့ သူတို့က ပြန်မေးလိုက်တယ်။
ဒါနဲ့ ပညာရှိကြီးကလည်း ပြန်ဖြေလိုက်တယ်။
“အယောက်စီတိုင်းဟာ ကျန်လေးယောက်ရဲ့အစေခံငယ်သားပဲ”တဲ့။

[မူရင်း။       ။ Rev. Sunny Abraham ၏ Five Fingers ကို ပြန်ဆိုပါသည်။]

No comments:

Post a Comment