အကြင်နာစကားတစ်ခွန်

🎯 အကြင်နာစကားတစ်ခွန်း

      •••••••••••••••••••••• ✍️ ဇို(တီးတိန်)

တစ်ခါက ကမ္ဘာကျော် ရုရှားလူမျိုးစာရေးဆရာကြီး လီယိုတော်စတွိုင်း(Leo Tolstoy)ဟာ မီးရထားနဲ့ ခရီးသွားတယ်။ 

သူတောင်းစားတစ်ယောက်က သူ့ဆီလာပြီး အကူအညီတောင်းတယ်။ ဒါနဲ့ စာရေးဆရာကြီးက သူ့အိတ်ထဲ လက်နှိုက်ရှာဖွေတဲ့အခါ အကြွေတစ်ပြားမျှ မတွေ့ဘူး။ 

သူ့အိတ်ကပ်ထဲမှာလည်း ဘာမှမရှိဘူး။ သူတောင်းစားကလည်း တစ်စုံတစ်ခုကို ရလိုရငြား မျှော်လင့်ချက်နဲ့ သူ့ကို စိုက်ကြည့်နေတယ်။ 

စိတ်ပျက်လက်ပျက်ဖြစ်သွားတဲ့ ဆရာကြီးက မတ်တပ်ထရပ်လိုက်ပြီး သူတောင်းစားကို ဖက်ကာ ပြောလိုက်တယ်။

"ဝမ်းနည်းပါတယ် ညီလေးရာ။ ဆရာကြီးမှာ ဘာမှ ပေးစရာမရှိဘူးဖြစ်နေတယ်"

အဲဒီအခါမှာ သူတောင်းစားကလည်း စာရေးဆရာကြီးကို ပြန်ပြောလိုက်တယ်။

"ကျွန်တော် ဘာကိုမျှ မလိုချင်တော့ပါဘူးဆရာကြီး။ ရွှေတွေ ငွေတွေထက် ပိုပြီး အဖိုးတန်တဲ့အရာကို ဆရာကြီးက ကျွန်တော့်ကို ပေးခဲ့ပါပြီ။ ဆရာကြီးက ကျွန်တော့်ကို ရိုသေလေးစားမှု ပြခဲ့ပြီ။ အဲဒါဟာ လုံလောက်နေပါပြီ။ ဒါဟာ ဆရာကြီး‌ ပေးမယ့်ပိုက်ဆံထက် ပိုအဖိုးတန်သွားပြီ"

[မူရင်း။ M.K.Paul ၏ Be Human First ကို ပြန်ဆိုပါသည်။]