လူငယ်တွေ အိမ်နဲ့ခွဲပြီး သီးသန့် နေသင့်လား?

မိသားစု (Family)နဲ့ အိမ်ထောင်စု (Household) ဆိုတာတွေက ခြူးတို့​အတွက် ရင်းနှီးပြီးသား စကားလုံးတွေပါပဲ ။ သွေးသားရင်းတွေနဲ့ ဒါမှမဟုတ် အိမ်ထောင်ဖက်နဲ့ စုပြီးနေတာက မိသားစုလို့ခေါ်ပြီး အိမ်ထောင်စုဆိုတာကတော့ သွေးသားမတော်စပ်တဲ့လူတွေစုပြီးနေတာရယ်(Multi Person Household) နဲ့ Living Alone လို့ခေါ်တဲ့ တစ်ယောက်တည်း နေထိုင်တာရယ်(One Person Household)  ဆိုပြီး ​အကြမ်းအားဖြင့် နှစ်မျိုးလောက်ရှိပါတယ်။

ဖွံ့ဖြိုးပြီး နိုင်ငံတွေမှာ ​အရွယ်ရောက်တဲ့လူငယ်တွေက မိဘဆွေမျိုးတွေနဲ့ ခွဲပြီး သီးသန့်နေထိုင်တာက ထူးဆန်းတဲ့​အရာတော့ မဟုတ်ပါဘူး။ မြန်မာနိုင်ငံမှာဆိုရင်တော့ နယ်ကနေ ကျောင်းတက်/ ​အလုပ်လုပ်တဲ့လူတွေကလွဲရင် မိဘနဲ့​တစ်မြို့တည်းအတူနေတဲ့လူတွေက မိဘနဲ့​အတူ​​နေထိုင်တာပဲ များပါတယ်။ နယ်ကလာပေမဲ့လည်း ဆွေမျိုးတွေရှိရင် ဆွေမျိုးတွေနဲ့ နေထိုင်လိုက်တာလဲ ရှိပါတယ်။ (ဒီစာမှာ လူငယ်လို့ပြောရင် ကျောင်းတက်နေတဲ့လူမပါပဲ လုပ်ငန်းခွင်ထဲရောက်နေတဲ့လူတွေကိုပဲ ခြူးဆိုလိုပါတယ်)

ဒါဆို ခြူးတို့​လူငယ်တွေ မိဘဆွေမျိုးတွေနဲ့ခွဲထွက်ပြီး သူငယ်ချင်းတွေနဲ့ စုနေတာမျိုး တစ်ယောက်တည်းနေတာမျိုး ဘာလို့ မလုပ်ဖြစ်ကြတာလဲ? ခြူးတွေးကြည့်မိသလောက်ကတော့

📌No (1) ငွေရေးကြေးရေး

အိမ်ကနေခွဲထွက်လာပါပြီဆိုတည်းက အိမ်ဌားခက ​အရင် ကုန်မှာပါ။ ရန်ကုန်မှာ ​အများနဲ့စုနေမယ်ဆို ​အနည်းဆုံး MMK 50,000 က စကုန်မှာဖြစ်ပြီး တစ်ယောက်တည်းနေမယ်ဆိုရင်တော့ MMK 100,000 ဆိုတာက ​အနည်းဆုံးပါပဲ။ အဲဒါ​အပြင် ​အစား​အသောက် ရေဖိုး မီးဖိုးက​စ သွားရေးလာရေး​အဆုံး ကို့ယ်ဘာသာ ဖြေရှင်းရမှာပါ။ ​တစ်လကို ဝင်ငွေ MMK 300,000 ရှိတဲ့လူက တစ်ယောက်တည်း ခွဲထွက်ပြီးနေဖို့ တော်တော်စဥ်းစားရမှာပါ။ အိမ်ကဝယ်ပေးထားတဲ့ ​အခန်းမှာနေတယ်ဆိုရင်တော့ တစ်မျိုးပေါ့

                                   🟫       🟫       🟫

📌No (2) တစ်ကိုယ်ရည် တစ်ကာယကိစ္စတွေ 

​အစား​အသောက်စီစဥ်ရတာ ပန်ကန်ဆေး ​အဝတ်လျှော် အိမ်သန့်ရှင်းရေး ​အကုန်ကို့ယ်ဘာသာ တာဝန်ယူရမှာပါ။တစ်ယောက်တည်းနေမယ်လို့ စပြီးစဥ်းစားမယ်ဆိုရင် ငါ ဒါတွေကို လုပ်ဖို့ ​သင့်တင့်တဲ့ ​​အနေ​အထားရောက်ပြီလားဆိုတာကို ဆန်းစစ်သင့်ပါတယ်။

                                 🟫       🟫       🟫

📌No (3) Privacy

သူများပစ္စည်းတွေ ​အသိမပေးပဲ ယူသုံးတာတို့ သီချင်း​အကျယ်ကြီးတွေ ဖွင့်တာတို့က ကြုံနေကြ ကိစ္စတွေလိုပါပဲ။ အိမ်မှာ ကို့ယ်​အခန်းလေးနဲ့ကို သီးသန့်လေးနေတဲ့လူက အဆောင်မှာနေတာတို့ စုပြီးနေတာတို့ကို လုပ်ချင်မှာ မဟုတ်ပါဘူး။

                                 🟫       🟫       🟫

📌No (4) လုံခြုံမှု

ရန်ကုန်မှာ နေ့လည်ဖက်ကြီး ဓားပြတိုက်ခံရလို့ ပစ္စည်းလုသွားလို့က မကြားချင်မှ ​အဆုံး ကြားနေရတဲ့ ကိစ္စတွေပါ။တစ်ယောက်တည်းနေပါပြီဆိုရင် လုံခြုံရေးစိတ်ချရလားဆိုတာက ​အင်မတန်​အရေးကြီးပါတယ်။

                                 🟫       🟫       🟫

📌No (5) မိဘခွင့်ပြုချက်

လုံလောက်တဲ့ ဝင်ငွေတစ်ခုလဲရှိမယ်၊ ကိုယ့်ကိုကိုယ်လည်း တာဝန်ယူနိုင်ပြီ၊ နေမဲ့နေရာကလည်း လုံခြုံရေးစိတ်ချရတယ်၊ ဒါတွေ​အကုန်လုံး​အဆင်ပြေသွားပေမဲ့ မိဘခွင့်ပြုချက်က အားလုံးမှာ ​အရေးကြီးဆုံးပါပဲ။ ကိုယ့်ရဲ့တစ်ယောက်တည်းနေပါမယ်ဆိုတဲ့ ​အဆိုကို ဗီတိုအာဏာနဲ့ ဖယ်ရှားလိုက်လို့ရတာကိုး။

​ခြူးထင်တာ မမှားဘူးဆိုရင် တစ်ယောက်တည်းခွဲနေမယ်လို့ ပြောလိုက်ရင် မနေရပါဘူးလို့ပြန်ပြောမဲ့ မိဘက 99% ပါပဲ။ ​အထူးသဖြင့် မိန်းကလေးတွေကိုဆို ပိုပြီးတားမှာပါပဲ။

​အရင်ဆုံး မိဘတွေက ရှေးရိုးစွဲလိုက်တာဆိုပြီး ​အပြစ်မတင်ခင် ကို့ယ်ကိုယ်ကို ​အရင် Skill Upgrade လုပ်ဖို့ လို​ဦးမယ်ထင်ပါတယ်။ ကို့ယ်ကိုယ်ကို ယုံကြည်မှုရှိရှိ တာဝန်ယူနိုင်ရမှာဖြစ်သလို မိဘက ကို့ယ်​အပေါ်ယုံကြည်မှုရှိအောင်နေဖို့လိုပါသေးတယ်။

မိဘတွေအနေနဲ့လည်း ကို့ယ်သားသမီးက ယုံကြည်လို့ရတယ်ဆိုရင် တစ်ယောက်တည်း နေချင်ပါတယ်ဆိုတဲ့ ​အဆိုကို ခွင့်ပြုပေးစေချင်ပါတယ်။ တစ်ယောက်တည်းနေရင် ပျက်စီးသွားမှာပေါ့လို့ ​အမြဲမတွေးပါနဲ့။ ပျက်စီးချင်တဲ့လူက ​အတူနေလည်း ထိန်းမရပဲ ပျက်စီးပါတယ်။

                                 🟫       🟫       🟫

📌ဘယ်လို​အခြေ​အနေတွေမှာ မိဘဆွေမျိုးတွေနဲ့ ခွဲနေဖို့ ​​အဆင်ပြေပြီလဲ?

(1) ငွေကြေး​အရ​အဆင်ပြေတယ်ဆိုရင်

(2) ကိုယ့်ကိုကိုယ် စိတ်ပိုင်းဆိုင်တာ ရုပ်ပိုင်းဆိုင်ရာ သင့်တင့်တဲ့​​အနေ​အထားတစ်ခု တာဝန်ယူနိုင်ပြီဆိုရင်

(3) စုနေတယ်ဆိုရင်တောင် သီးသန့်​အခန်းလေးနဲ့ နေလို့ရမယ် ဒါမှမဟုတ် တစ်ယောက်တည်း နေနိုင်ပြီဆိုရင်

(4) ကိုယ်နေမဲ့ နေရာက လုံခြုံရေး​အရ​ ​အဆင်ပြေမယ်ဆိုရင်

(5) မိဘခွင့်ပြုချက်ရပြီဆိုရင်

                                 🟫       🟫       🟫

📌ဒီ​အချက်တွေ စုံပြီဆိုရင် ခြူးကတော့ သီးသန့်ခွဲထွက်ပြီး နေတာကို ​Recommend ပေးပါတယ် ဘာလို့လဲဆိုရင် 

​အစစ ​အရာရာ ကို့ယ်ဘာသာ တာဝန်ယူလာရလို့ ​

👉ပိုပြီးရင့်ကျက်လာတယ်

👉ကို့ယ်ကိုယ်ကို ယုံကြည်မှုတိုးတယ်

👉ကိုယ်ကြိုက်တာကိုယ်လုပ်နေလို့ရတာနဲ့​အတူ ကို့ယ်ကိုယ်ကို ပိုပြီးထိန်းဖြစ်တယ်

👉Space & Privacy ပိုပြီး ရလာတာဖြစ်တဲ့​အတွက် ​Dual Career လုပ်ချင်တာပဲဖြစ်ဖြစ် Study လုပ်ချင်တာပဲဖြစ်ဖြစ် အာရုံပိုစိုက်လို့ ရပါသေးတယ်

                                 🟫       🟫       🟫

📌ဒီ​အချက်တွေ မစုံဘူးဆိုရင်တော့ သီးသန့်ခွဲထွက်ပြီး နေတာကို ​လုံးဝအားမပေးပါဘူး။

👉 တစ်ယောက်တည်းနေရတယ်ဆိုတာ စိတ်ပိုင်းဆိုင်ရာ ရုပ်ပိုင်းဆိုင်ရာ ​အရမ်းပင်ပန်းလှပါတယ်။

ကောင်းကျိုးရော ဆိုးကျိုးရောရှိတာမို့လို့ ကို့ယ်ရဲ့ အားနည်းချက် အားသာချက်ပေါ်မူတည်ပြီး ဆုံးဖြတ်သင့်ပါတယ်။

                                  🟫       🟫       🟫

စာကလည်း တော်တော်ရှည်နေပြီဆိုတော့ နောက်နေ့တွေမှာ Living Alone Pros & Cons တွေ​အကြောင်း ​အသေးစိတ် ဆက်ပြောပေးပါမယ်နော်။

​အဆုံးထိဖတ်ပေးလို့ အားလုံးကို ကျေးဇူးတင်ပါတယ် ❤ 

#လူငယ်တွေအိမ်နဲ့ခွဲပြီးသီးသန့်နေသင့်လား

#LivingAlone #OnePersonHousehold #MultiPersonHousehold #Family #SoloLiving #Yangon #တစ်ယောက်တည်းနေထိုင်ခြင်း

#TheDailyMebyChu