📆ပွဲနေ့- အောက်တိုဘာလ၊ (၂၄)ရက်
🔰စိန့် အန်ထော်နီ ကလာရက်ကို (၁၈၀၇) ခုနှစ်၊ စပိန်နိုင်ငံမှာ မွေးဖွားခဲ့ပြီး၊ ဖခင်ရဲ့ ခြေရာကို လိုက်ပြီး ကုန်သွယ်ရေးသမားတစ်ဦးကနေ ရက်ကန်းသမားတစ်ဦးဖြစ်ခဲ့ပါတယ်။ အန်ထော်နီ ကလာရက်က သူ့အားလပ်ချိန်တွေမှာ လက်တင်ဘာသာကို လေ့လာခဲ့ပြီး၊ အသက် (၂၂) နှစ်အရွယ်မှာ ရဟန်းဖြစ်သင်ကျောင်းကို စတင်ဝင်ရောက်ခဲ့ပြီး ( ၁၈၃၅)မှာ ရဟန်းသိက္ခာခံယူခဲ့ပါတယ်။
🔰အန်ထော်နီ ကလာရက်ဟာ (၁၀)နှစ်တာ သာသနာအတွက် ပေးဆပ်အလုပ်လုပ်ခဲ့ပြီးတဲ့နောက်၊(၁၈၄၉)ခုနှစ်မှာ ကလာရက်ရှန်းလို့ခေါ်တဲ့ ရဟန်းသူတော်စင် အသင်းဂိုဏ်းတစ်ခုကိုတည်ထောင်ခဲ့ပါတယ်။
🔰များမကြာမီမှာ အန်ထော်နီ ကလာရက်ဟာ ကျူးဘားနိုင်ငံ (Cuba)၊ စန်တီယာဂို(Santiago) ဂိုဏ်းချုပ်ဘုန်းတော်ကြီးအဖြစ် ခန့်အပ်ခြင်းခံခဲ့ပါတယ်။ ဆရာတော် အန်ထော်နီ ကလာရက်ရဲ့ ဆရာတော်သက်တမ်းမကြာခင်မှာပဲ ဘုန်းတော်ကြီးများ၊ ဓမ္မဆရာများနှင့် လူဝတ်ကြောင်များကိုအောင်မြင်စွာ ပြုပြင်ပြောင်းလဲ။
🔰စပိန်နိုင်ငံရဲ့မိဘုရားကြီးဖြစ်တဲ့ အစ္စဘယ်လ်( Isabella II ) ရဲ့ ဝိညာဉ်ရေးပိုင်းဆိုင်ရာ လမ်းညွှန်အကြံပေးတဲ့ ဘုန်းတော်ကြီးအဖြစ် တာဝန်ထမ်းဖို့နှင့် သူတည်ထောင်ခဲ့တဲ့ အသင်းဂိုဏ်းကို ကြီးကြပ်ဖို့နှင့် ဝိညာဉ်ရေးရာ လမ်းညျွန်မှု စာအုပ်တွေကို ထုတ်ဝေဖို့ စပိန်နိုင်ငံကို ပြန်သွားခဲ့ပါတယ်။
🔰၁၈၆၈ ခုနှစ်တွင်စပိန်တော်လှန်ရေးကြောင့်ဂိုဏ်းချုပ်ဘုန်းတော်ကြီး အန်ထော်နီ ကလာရက် နှင့် မိဖုရား အစ္စဘယ်လာ (Isabella) တို့နှစ်ပါးစလုံး ပြည်နှင်ခံဒဏ်ခံခဲ့ကြပါတယ်။ ပထမ ဗာတီကန် ပြီးတဲ့နောက်၊ ဂိုဏ်းချုပ်ဆရာတော်ကြီးအန်ထော်နီ ကလာရက်ဟာ ပြင်သစ်နိုင်ငံရှိ ချီးစ်တဲရ်ရှန် (Cistercian) ဘုန်းကြီးကျောင်းမှာ နေထိုင်ရင်း (၁၈၇၀) မှာ ကွယ်လွန်သွားခဲ့ပါတယ်။
🔰ဆရာတော်ကြီး အန်ထော်နီ ကလာရက်ကွယ်လွန်ပြီးတော့ နှစ်ပေါင်း (၈၀) အကြာမှာ ရဟန္တာတင်မြောက်ခဲ့ပါတယ်။ သူတည်ထောင်တဲ့ ရဟန်းသူတော်စင်ဂိုဏ်းဟာ အခုချိန်မှာ ယုံကြည်သူတွေကို ဝိညာဉ်ရေးရာ လမ်းညွှန်မှု စာပေများ၊ နေ့စဉ်ထောက်ရှုချက်များကို ထိထိရောက်ရောက် ဖြန့်ချီရင်း သာသနာပြုနေကြသော ကလာရက်ရှန်း အသင်းဂိုဏ်းအဖြစ်ထင်ရှားလျက်ရှိနေပါတယ်။
🔰ရဟန်းသူတော်စင် ကလာရက်ရှန်းဘုန်းတော်ကြီးများရဲ့ ပွဲလဲ ဖြစ်တာကြောင့် ဒီသူတော်စင် ဂိုဏ်းမှာ ရှိနေကြတဲ့ ဘုန်းတော်ကြီးများ အားလုံးအတွက် အထူးသတိတရ ဆုတောင်းပေးကြရအောင်။
# # # # # # # # # # # # # # # # #
ကြယ်စင်လေး (SJA)
Ref: CNA
No comments:
Post a Comment