အောက်တိုဘာ ၂၄ ရက်၊ ၂၀၂၀၊ စနေ နေ့၊ သာမန်ကာလ ၂၉ ပတ်မြောက်။

ရှင်လုကာ 13: 1-9

(နောင်တမရလျှင်ပျက်စီးမည့်အကြောင်း)

1. ထိုအချိန်တွင် အထံတော်၌ ရှိနေကြသော သူအချို့က ပီလာတုမင်းသည် ဂါလေလေးယနယ်သားအချို့၏ သွေးကို ၎င်းတို့၏ ပူဇော်သကာများနှင့် ရောနှောစေခဲ့ကြောင်းကို ကိုယ်တော်အား လျှောက်ထားကြ၏။

- 2. ကိုယ်တော်ကလည်း ဤဂါလေလေးယနယ်သားတို့သည် ဤသို့ခံရခြင်းကြောင့် အခြားသော ဂါလီလေးယနယ်သားတို့ထက် ပို၍အပြစ်ကြီးသူများ ဖြစ်ကြသည်ဟု သင်တို့ထင်မှတ်ကြသလော။

- 3. ဤကဲ့သို့မဟုတ်ဟု သင်တို့အား ငါဆို၏။ သို့သော် သင်တို့သည် နောင်တမရကြလျှင် သင်တို့အားလုံးသည်လည်း ထိုနည်းတူပျက်စီး ကြလိမ့်မည်။

- 4. ထို့အတူ စီလွမ်ရဲတိုက်ပြိုကျ၍ သေဆုံးကြသောသူ တစ်ဆယ့်ရှစ်ယောက်တို့သည် ဂျေရုဆလင်မြို့တွင်နေထိုင်ကြသော အခြားသူများထက် အပြစ်ကြီးသည်ဟု သင်တို့ထင်မှတ်ကြသလော။

- 5. ထိုသို့မဟုတ်ဟု သင်တို့အားငါဆို၏။ သို့သော် သင်တို့သည် နောင်တ မရကြလျှင် သင်တို့အားလုံးသည်လည်း ထိုနည်းတူပျက် စီးကြရလိမ့်မည်ဟု သူတို့အား ပြန်ဖြေတော်မူ၏။

(အသီးမသီးသော သဖန်းပင်ပုံဥပမာ)

6. ကိုယ်တော်သည် ဤပုံဥပမာကိုလည်း သူတို့အား မိန့်တော်မူ၏။ လူတစ်ယောက်သည် မိမိ၏ စပျစ်ဥယျာဉ်ထဲတွင် သဖန်းပင်တစ်ပင်ကို စိုက်ပျိုးထား၏။ ထို့နောက် သူသည် လာ၍ သဖန်းပင်မှအသီးကို ရှာသော်လည်း မတွေ့ ချေ။

- 7. ထိုအခါ သူက ငါသည်လာ၍ ဤသဖန်းပင်ပေါ်မှ အသီးကိုရှာသည်မှာ သုံးနှစ်ရှိလေပြီ။ သို့ရာတွင် အသီးတစ်လုံးကိုမျှ မတွေ့ရ။ ၎င်းကို ခုတ်ပစ်လော့။ အဘယ်ကြောင့် ၎င်းကို မြေပေါ်တွင် အကျိုးမဲ့နေရာယူစေမည်နည်းဟု စပျစ်ဥယျာဉ်မှူးအား ဆိုလေ၏။

- 8. ထိုသူကလည်း သခင်၊ ယခုနှစ်တွင်လည်း ဤအပင်ကို မည်သို့မျှမပြုပါနှင့်။ အကျွန်ုပ်သည် အပင်ပတ်လည်၌ တူးဆွ၍ မြေဩဇာ ထည့်ပါမည်။

- 9. နောင်နှစ်တွင် အသီးသီးကောင်း သီးပါလိမ့်မည်။ ထိုသို့မသီးလျှင်မူ သခင်သည် ၎င်းကို ခုတ်ပစ်နိုင်ပါသည်ဟူ၍ သူ့အား ပြန်ပြောသည်ဟု မိန့်တော်မူ၏။ 

===================

ထောက်ရှုချက်

💔 နောင်တမရလျှင်ပျက်စီးမည်💔

⭐ "သင်တို့သည် နောင်တ မရကြလျှင် သင်တို့အားလုံးသည်လည်း ထိုနည်းတူပျက် စီးကြရလိမ့်မည်။"

(လုကာ 13: 5)

🔥- ဣစရာအဲလ်လူမျိုးတွေက ဂါလီလေအာနယ်သားတွေအသတ်ခံခဲ့ရတဲ့အကြောင်းက သူတို့အပြစ်ကြီးတဲ့အတွက်ခံရတာလို့ယူဆခဲ့ကြပါတယ်။

- ၎င်းယူဆချက်ဟာမှားယွင်းပြီး သူတို့တွေလည်းနောင်တမရကြပါလျှင်ပျက်စီးမယ်ဆိုတာကိုသတိပေးတာဖြစ်ပါတယ်။

💥- ကိုရိုနာ ကပ်ဘေးအစပြုခဲ့တဲ့အခါမှာ ကက်သလစ်ဌာနချုပ်ဗာတီကန်ရှိရာ အီတလီနိုင်ငံမှာ ရောဂါ လွန်စွာဆိုးရွားခဲ့ပါတယ်။ ဘုန်းတော်ကြီးများ သီလရှင်များပါသေးဆုံးခဲ့ရပါတယ်။

- ဒါကိုတွေ့တဲ့ ကျွန်နော်တို့နိုင်ငံမှာရှိတဲ့ ညီအစ်ကိုအသင်းကွဲခရစ်ယန်တစ်ချို့က ကက်သလစ်တွေကဆိုးလို့ ရောဂါကပ်ဘေးကိုခံစားရတာပါလို့ ရေးတာတွေခဲ့ရတယ်။

- ဒီလိုနဲ့ပဲ မြန်မာနိုင်ငံထဲမှာ ခရစ်ယာန် အသင်းတော်တစ်ပါးရဲ့တရားဟောဆရာ ဆရာဒေးဗစ်လားကူးစပ်ခံခဲ့ရတယ်၊ အင်းစိန် မြို့နယ်က ခရစ်ယန်များ လည်းကူးစက်ခံခဲ့ရတယ်။

- ဒီအချိန်ကျတော့ အခြားဘာသာတွေက ခရစ်ယန်တွေဆိုးလို့ ရောဂါကူးစက်ခံရတာဆိုပြီး ပြောကြပြန်ပါတယ်။

- အခုကိုဗစ် ဒုတိယလှိုင်းကျလာတဲ့အခါ ဘယ်ဘာသမှမျက်နာသာမပေးတော့ပဲ ဘာသာပေါင်းစုံ ကယုံကြည်သူတွေခံစားနေကြရပါပြီး။

- ဒုက္ခ အန္တရာယ်တွေကြုံတွေရတာက ခံစားရတဲ့လူတွေဆိုးလို့ဖြစ်တာလို့အပြစ်တင်၍မရပါဘူး။

- သမ္မာကျမ်းစာထဲက ဒုက္ခ တွေခံခဲ့ရတဲ့ရောဘမှာ သူကိုယ်တိုင်ဘာအပြစ်မှမကျူးလွန်ခဲ့ပါဘူး။ စာတန်ကြောင့်သာခံရတာဖြစ်ပါတယ်။

- လောကမှာ လူကောင်းတွေ ငယ်ငယ်နဲ့သေတတ်ကြပြီးလူဆိုတွေအသက်ရှည်နေကြတာအများကြီးပါပဲ။

- မိမိအသက်ရှည်နေတိုင်း ဂုဏ်ယူစရာမဟုတ်ပါဘူး။ မိမိရဲ့အမှားတွေပြုပြင်နိုင်ဖို့ဘုရားသခင်ကအချိန်ပေးထားတာဖြစ်ပါတယ်။

- ကျွန်ုပ်တို့တွေလည်း မိမိတို့မှားနေတာတွေကိုမပြုပြင်ကြပဲ၊ သူတပါးမှားတာပဲအပြစ်တင်ဝေဖန်နေကြရင်၊ မိမိကိုယ်ကိုယ်ကို သူတော်ကောင်းလို့ယူဆပြီး မာဏထောင်လွားနေကြရင် မျက်စီးခြင်းသို့ရောက်ကြမယ်ဆိုတာကို ယေဇူးသခင်က သတိပေးနေတာဖြစ်ပါတယ်။

ထောက်ရှုရန်မေခွန်း

၁) ဒုက္ခရောက် သူတွေကိုကြည့်ပြီး သူတို့အပြစ်ကြောင့်ခံရတာပါလို့အပြစ်တင်စွပ်စွဲမိပါသလား။

၂) ဒုက္ခ အခက်အခဲတွေတွေ့ကြုံခံစားရတိုင်း မိမိဘာအပြစ်လုပ်လို့ခံရတာလဲလို့ မေးခွန်းထုတ်ဖူးလား။

🌻 တောင်းဆု

အိုမေတ္တာတော်ရှင်အဖဘုရားတပည်တော်သည် တပါးသူကို စာနာသနားတတ်သောမျက်စိနှင့်ကြည့်မြင်တတ်ပြီး မိမိအမှားပြုမိပါက မိမိအမှားကိုသိမြင်ပြီး နောင်တရကာပြုပြင်နိုင်ရန် ကျေးဇူးတော် ပေးသနားပါဘုရား။

Credit to

Bosco Saw