၂၀၁၆ ပိုလန်ကမ္ဘာ့လူငယ်များနေ့တွင် လက်ထပ်ခွင့်တောင်းခံခဲ့တဲ့ စုံတွဲ

ရဟန်းမင်းကြီး ဖရန်စစ်က ပိုလန်နိုင်ငံတွင် ကျင်းပသော ကမ္ဘာ့လူငယ်များနေ့ World Youth Day အခမ်းအနားတွင် လူငယ်ချစ်သူစုံတွဲများအား တရားဝင် လက်ထပ်ထိမ်းမြားကြရန် အကြံပြုခဲ့သည်။ ထိုအကြံပြုချက်အား ကမ္ဘာလူငယ်များနေ့ ကျင်းပနေစဉ်ကာလအတွင်း လက်ထပ်ခွင့်ပန်ခြင်းဖြင့် ချက်ချင်းအကောင်အထည်ဖော်ခဲ့သည့် ကံကောင်းသော စုံတွဲတစ်တွဲ ရှိပါသည်။

အသက် ၂၃ နှစ်အရွယ် Szymon Wadoń စီမုန် ဝါဒွန်သည် ပိုလန်နိုင်ငံ Bielsko-Biala မြို့ငယ် ဇာတိဖွားဖြစ်ပြီး ဘရာဇီးနိုင်ငံ ရီယိုဒီဂနေးရိုးမြို့ခံ အသက် ၂၃ နှစ်အရွယ် Jessica Pinheiro Bezerra ဂျက်ဆီးကာ ပင်ဟဲရိုး ဘဇီးရာအား the Conversion of Saint Paul Church စိန်ပေါလ် ပြောင်းလဲခြင်း ဘုရားကျောင်းကြီး၏ လှေကားထစ်ပေါ်တွင် ဇူလိုင် ၂၉ ရက်နေ့ မစ္ဆားတရားအပြီး လက်ထပ်ခွင့်တောင်းခဲ့ခြင်းဖြစ်သည်။

စီမုန်က ဂျက်ဆီးကာလက်အား ညင်သာစွာ ဆုပ်ကိုင်ပြီး လူရာချီရှိသော လူအုပ်ကြီး ရှေ့ကို ခေါ်ထုတ်ယူလာသည်။ ဒီနောက်မှာတော့ စီမွန်ဟာ သူမ အရှေ့မှာ ဒူးထောက်ချလိုက်ကာ အလွန်လှပတဲ့ လက်ထပ်လက်စွပ် တစ်ကွင်းကို ထုတ်ယူပြီး သူမကို လက်ထပ်ခွင့် လူအများရှေ့မှာ တောင်းခံခဲ့ပါတယ်။ ဒီမြင်ကွင်းကို မြင်ရတဲ့ ရာပေါင်းများစွာသော လူငယ်များပွဲနေ့လာတဲ့ ဘုရားဖူးခရီးသွားများက ရုတ်တရတ် အံ့အားသင့်ခဲ့ပါတယ်။
ု
တကယ်တမ်းတော့ စီမွန်နဲ့ ဂျဆီးကာဟာ ၂၀၁၃ ခုနှစ် ဘရာဇီးနိုင်ငံမှာ ကျင်းပပြုလုပ်ခဲ့တဲ့ ကမ္ဘာလူငယ်များနေ့မှာ အချင်းချင်း စတင်တွေ့ဆုံခဲ့ကြတာပါ။ အဲဒီ အချိန်တုန်းက ဂျက်ဆီးကာဟာ စီမွန်ပါဝင်တဲ့ ပိုလန်နိုင်ငံသား ကိုယ်စားလှယ်အဖွဲ့တွေကို အိမ်ရှင်အနေနဲ့ ကူညီဆောင်ရွက်ဖို့ တာဝန်ကျခဲ့ပါတယ်။

"ကျွန်တော့် အမြင်တော့ သူမက အလွန်လှပတဲ့ အမျိုးသမီးပဲဗျ။ ပြီးတော့ ကျွန်တော် သူမအကြောင်း ပိုသိချင်လာမိတယ်။"လို့ National Catholic Register သတင်းအဖွဲ့ကို ပြောပြခဲ့သည်။

ဂျက်ဆီးကာကလည်း "ကျွန်မအနေနဲ့လည်း သူ့ကို နှစ်သက်မိတယ်ရှင့်။ သူနဲ့ ကျွန်မက အစပိုင်းမှာ သူငယ်ချင်းအနေနဲ့ စခင်ခဲ့ကြတာ။ ကျွန်မတို့ အချင်းချင်းဟာလည်း ကက်သလစ် ခရစ်ယာန်များ ဖြစ်ကြတော့ သူနဲ့ ပေါင်းသင်းပြောဆိုရတာ အင်မတန်မှ ပျော်ဖို့ကောင်းပါတယ်။"လို့ NCR ကို ပြောပြခဲ့ပါတယ်။

သူတို့ သမီးရည်းစားအချင်းချင်းဟာ မိခင်ဘာသာစကားများကို အသီးသီး အသုံးပြု ပြောဆိုလို့ မရတဲ့ အတွက် ဆက်သွယ်ပြောဆိုဖို့ စပိန်ဘာသာစကားကို ပြောဆိုအသုံးပြုရပါတယ်။ သူတို့ နှစ်ဦးဟာ အီးမေးလ် Skype ဗွီဒီယို ဆက်သွယ်မှုများနဲ့ တနှစ်ခွဲအကြာ ဆက်သွယ်နေခဲ့ကြပြီး အင်တာနက်ကနေတဆင့် သခင်ယေဇူး၏ ရွှေနှလုံးတော် Divine Mercy chaplet မေတ္တာ နိုဗီနာကိုလည်း အင်တာနက်ကတဆင့် အတူ ရွတ်ဆိုဆုတောင်းဖြစ်သူတွေပါ။ ဂျက်ဆီးကာရှိတဲ့ ဘရာဇီးနိုင်ငံကိုလည်း စီမွန်က ခဏခဏ အလည်အပတ်သွားပေးပါတယ်။

နောက်ပိုင်းမှာ ဂျက်ဆီးကာဟာ ပညာသင်ကြားဖို့ မက်ဆီကို နိုင်ငံမှာ နေထိုင်ခဲ့ပြီး စီမွန်က သူမ ပညာဆည်းပူးနေတဲ့ မက်ဆီကိုနိုင်ငံကို မကြာမကြာ လာရောက်ပြီး သူမနဲ့ တွေ့ဆုံဖြစ်ခဲ့ပါတယ်။

"နာမည်ကျော် ဂွာတာလုပေ Guadalupe အမိမယ်တော် တန်ခိုးလက္ခဏာပြတဲ့ ကျောင်းဝင်းဆီ ဂျက်ဆီးကာ မွေးနေ့က ကျွန်တော်တို့ သွားရောက်လည်ပတ်ဖြစ်ခဲ့တယ်။ အဲဒီနေ့မှာပဲ ကျွန်တော်တို့ဟာ ချစ်သူဘဝနဲ့ ဆက်သွားဖို့ စိတ်ပိုင်းဖြတ်ခဲ့ကြတယ်။"လို့ စီမွန်က ရှင်းပြပါတယ်။

"ကျွန်မတို့ ၂ ဦးက အလွန်ဝေးကွာတဲ့ မြို့ နိုင်ငံတွေမှာ နေထိုင်ကြလို့ သမီးရည်းစာဘဝက အခက်အခဲ စိန်ခေါ်မှု ရှိခဲ့ပါတယ်။ ကျွန်မတို့က ဆုတောင်းခြင်းအားဖြင့် စိတ်ဓာတ် ဝိညာဉ်ခွန်အား ရယူနေခဲ့တာပါ။ Pietrelcina ဒေသက စိန့်ပီးအိုကလည်း 'အတူ ဒုက္ခခံထမ်းရင်း ချစ်ခြင်းမေတ္တာဟာ အားကောင်းလာတယ်၊'လို့ ပြောခဲ့ပါတယ်။" ဆိုပြီး ဂျက်ဆီးကာက ပြန်လည် ဝေမျှပါတယ်။

သူတို့ စုံတွဲဟာ ပိုလန်နိုင်ငံ ကရာကောင်းမြို့မှာ ကျင်းပတဲ့ ကမ္ဘာလူငယ်များနေ့ကို အတူပါဝင်ကြဖို့ ဆုံဖြတ်ခဲ့ပြီး Juventutem International Federation အဖွဲ့နဲ့ အတူတကွ မစ္ဆားတက်ခြင်း ဘုရားစကား သင်တန်းတက်ခြင်းများကို ပြုလုပ်ခဲ့ကြပါတယ်။ Juventutem International Federation ဟာ မစ္ဆားတရားကို ရှေးလက်တင်မစ္ဆားတရားများကဲ့သို့ ခန်းနားထည်ဝါစွာ ကျင်းပဝတ်ပြုလေ့ရှိပြီး ဝိညာဉ်ရေးရာနှင့် လူမှုရေးပွဲ အခင်းအကျင်းများကိုလည်း ထုံးတမ်းအစဉ်အလာကျကျ ကောင်းမွန်စွာ ဖန်တီးစီစဉ်တဲ့ အဖွဲ့ဖြစ်ပါတယ်။

"ကျွန်တော်က တကယ်တော့ အရှောက်အကြောက် ကြီးသူပါ။ အခုလို ရာချီတဲ့ လူအုပ်ကြီ အရှေ့မှာ လက်ထပ်ခွင့်တောင်းဖို့ လုပ်တာ ရင်ထဲမှာတော့ ဗလောင်ဆူနေတာပဲ။" လို့ စီမွန်က ပြန်ပြောင်းပြောပြခဲ့ပါတယ်။

အစက လက်ထပ်ခွင့် အတောင်းခံရတဲ့ အတွက် တုန်လှုပ်မိတဲ့ ဂျက်ဆီးကာဟာ စိတ်လှုပ်ရှားမှု မျက်ရည်များနဲ့ ငိုမိရင်း ပျော်ရွှင်စွာနဲ့ စီမွန်ရဲ့ ကမ်းလှမ်းမှုကို Yes လို့ လက်ခံလိုက်ပါတယ်။

ဘေးမှာ ဆိတ်ငြိမ်မှု စိတ်လှုပ်ရှားခြင်းများနဲ့ ရပ်ကြည့်နေတဲ့ ဘုန်းတော်ကြီး တရားထောက် ဆရာတော်များပါဝင်တဲ့ လူအုပ်ကြီးကလည်း Yes လို့ ဖြေကြားမှုကို ကြားရတဲ့အခါ လက်ခုပ်တီး သောင်းသောင်းဖြဖြနဲ့ ကြိုဆိုကြပြီး သူတို့ စုံတွဲကို လာရောက်နှုတ်ဆက်အားပေးရင်း မျက်ရည်တွေလည်း လာသုတ်ပေးခဲ့ကြပါတယ်။ ဒီနောက်မှာတော့ စီမွန်တို့ နှစ်ဦးသားဟာ Bishop ဆရာတော် ဘုန်းတော်ကြီးများ တရားထောက်များ နောက်ကနေ Procession ဘုရားကျောင်း တပတ် လမ်းလျှောက် ဆုတောင်းခြင်းမှာ လိုက်ပါသွားပါတယ်။ အဲ့ဒီနောက် မစ္ဆားစင်ဘက် ပြန်ရောက်တဲ့ အခါမှာ ကာဇက်စတန်နိုင်ငံ Astana သာသနာနယ် လက်ထောက် ဆရာတော် Bishop Athanasius Schneider က သူတို့ ချစ်သူနှစ်ဦးကို ကောင်းကြီးပေးပြီး အားပေးစကားပြောပါတယ်။

"ဘိရှော့က ကျွန်မတို့ကို ကောင်းကြီးပေး ဆုတောင်းပေးပြီး ကျွန်မတို့ အိမ်မိသားစုလေးကို ဘုရားကျောင်း အသင်းတော်ငယ်လေး Mini-Church အဖြစ် ဖန်တီးဖို့နဲ့ မျိုးဆက်သစ် ကလေးတွေ အများကြီး ရယူဖို့ ပြောပါတယ်။"လို့ ဂျက်ဆီးကာက ပြန်ပြောပြပါတယ်။

"ပြီးတော့ ဘိရှော့က ကျွန်တော်တို့ ၂ ဦးကို ဘာမှ မကြောက်နဲ့ဆိုပြီး ပြောပါသေးတယ်"လို့ စီမွန်က ထပ်ဖြည့်ပြောပါတယ်။

ချစ်သူနှစ်ဦးဟာ လတ်တလောမှာ မင်္ဂလာဆောင်နေ့ ရွေးချယ်သတ်မှတ်ခြင်း မရှိသေးပေမယ့် ဘုရားကျောင်းမှာ မင်္ဂလာဆောင်လက်ထပ်ပြီး လက်ထပ်ထိမ်းမြားခြင်း စက္ကရင်တူး ခံယူပြီးရင်တော့ နှစ်ဦးသား ပိုလန်မှာ နေထိုင်ကြဖို့ ဆုံးဖြတ်သဘောတူထားကြပါတယ်။

အဲဒီနေ့မှာပဲ ပုပ်ဖရန်စစ်ဟာ ကရာကောင်း ဆရာတော်ချုပ် ကျောင်းတော် ပြတင်းပေါက်က ထွက်လာပြီး လူငယ်တွေကို စကားပြောပါတယ်။ လက်ထပ်ထိမ်းမြားမယ့် သူများနဲ့ အိမ်ထောင်သည်စုံတွဲများကို အလွန်အကျိုးရှိတဲ့ အကြံပြုချက်များကို ပေးခဲ့ပါတယ်။

“When I meet someone who is getting married … I say to them, ‘You are the ones who have courage!’ Because it is not easy to form a family, not easy to commit your life forever; it takes courage. And I am proud that you are courageous,” he told the crowd.

ပုပ်ဖရန်စစ်က "ကျွန်တော် အိမ်ထောင်ပြုမယ့် ချစ်သူစုံတွဲများကို တွေ့ရင် 'သင်တို့တွေက တကယ်တော့ အလွန်သတ္တိရှိသူတွေ ဖြစ်တယ်'လို့ ပြောဖြစ်တယ်ဗျ။ ဘာလို့လဲဆိုတော့ မိသားစုတစ်ခု တည်ဆောက်ဖို့ ချစ်ခြင်းမေတ္တာ ဘဝသက်တာကို မြုပ်နှံဖို့ဆိုတာ လွယ်ကူတာ မဟုတ်ဘူး။ ကျွန်တော်ကတော့ အိမ်ထောင်ပြုမယ့် ချစ်သူတွေအတွက် သူတို့ရဲ့ သတ္တိရှိမှုကို ဂုဏ်ယူပေးတယ်။"လို့ လူအုပ်ကြီးကို ပြောကြားခဲ့ပါတယ်။

“Sometimes people ask me what to do so that our families can go on and overcome difficulties. I suggest to them to use three words, three words which express three attitudes … three words which can help you to live out your married life, because in married life there are difficulties.

ပုပ်ဖရန်စစ်က ဆက်ပြောပါတယ်။ "တခါခါ လူတွေက ကျွန်တော့်ကို မေးကြတယ်ဗျ။ မိသားစုဘဝမှာ အခက်အခဲတွေကို ကျော်လွှားနိုင်ဖို့ ဘာလုပ်သင့်သလဲတဲ့ မေးကြတယ်။ကျွန်တော်ကတော့ မေးတဲ့ လူတွေကို စကားသုံးခွန်း ပြောဖို့၊ ခံယူချက် သုံးခုထားဖို့ ပြန်ဖြေပါတယ်။ အိမ်ထောင်သည် မိသားစုဘဝဟာ စိန်ခေါ်မှု  အခက်အခဲနဲ့ ပြည့်နေတာမို့ ဒီစကားသုံးခွန်းက အထောက်အကူ ဖြစ်ပါတယ်။

Marriage is something so beautiful and so wonderful that we have to look after it, because it is forever. And the three words are: ‘May I?,’ ‘Thank you,’ and ‘I’m sorry.’

အိမ်ထောင်ပြုခြင်းဆိုတာ အလွန်တရာမှ လှပပါတယ်။ အံ့သြမှု အပြည့်နဲ့ ဘဝသက်တာ ဖြစ်ပါတယ်။ ဒီအတွက်ကြောင့် ကျွန်တော်တို့ဟာ အိမ်ထောင် မိသားစုကို ဂရုစိုက်ရပါမယ်။ ဘာဖြစ်လို့လဲဆိုတော့ အိမ်ထောင်မိသားစုဟာ အစဉ် တည်တံ့တာမို့ပါ။ ဒီတော့ စကားသုံးခွန်းကို အကြံပြုပြောပါရစေ။
May I? ခွင့်တောင်းခြင်း
Thank You ကျေးဇူးသိတတ်ခြင်း နဲ့
"I" am Sorry သူတပါး အပြစ်ကို ပြောတာထက် "ငါ" မှားသွားပါတယ်ဆိုပြီး အပြစ်ကို ဝန်ချတောင်းပန်တတ်ခြင်းတို့ ဖြစ်ပါတယ်။"

“I invite you, before the blessing, to pray for all the families present here, for newlyweds, for those who have already been married for some time and know what I am saying to you, and for those who will get married,” he said.

"သင်တို့ကို ကောင်းကြီးမပေးခင် ကျွန်တော် ပုပ်ဖရန်စစ် အနေနဲ့ ဒီမှာ ရောက်ရှိနေကြတဲ့ မိသားစုတွေ၊ လောလောလတ်လတ် အိမ်ထောင်ကျသူတွေ၊ အချိန်ကာလအချို့ အိမ်ထောင်သက်ရှိသူတွေ၊ ပြီးတော့ ကျွန်တော် ဘာဆက်ပြောမလဲ အားလုံးသိပါတယ်၊ (ရီမောလျက်) အိမ်ထောင်ပြုမယ့် ချစ်သူစုံတွဲတွေ အစရှိသူတို့အတွက် ဆုတောင်းပေးဖို့ ကျွန်တော် ဖိတ်ခေါ်တောင်းဆိုလိုပါတယ်။"

ဘာသာပြန်
လောရန့်

သတင်းရေးသူ - Daniel Blackman
သောကြာနေ့ Aug 5th, 2016 at 10:00 AM