Feast ;
Sts Simon and Jude (the Apostles)
Oct 28
စိန့်ဆိုင်မွန်နှင့် စိန့်ဂျူဒ်
ဒီကနေ့ဟာတော့ တမန်တော်ကြီးများဖြစ်ကြတဲ့ စိန့်ဆိုင်မွန်နဲ့စိန့်ဂျုဒ်တို့ရဲ့ ပွဲနေ့ကို သာသနာတော်ကကျင်းပစေပါတယ်။ စိန့် ဆိုင်မွန်ကို Simon the Zealot လို့အသိများပြီး နောက်သူ့ရဲ့ ကိုယ်ရေးရာဇဝင်ကိုတော့ သာသနာတော်ရဲ့ မှတ်တမ်းမှတ်ရာထဲမှာ ထင်ထင်ရှားရှားမတွေ့ရသေးပါဘူး။
စိန့်ဆိုင်မွန်ကို ``Simon Cananaeus´ လို့လည်း သိကြပါသေးတယ်။ သူဟာ လွှနဲ့အဖြတ်ခံရပြီး အသေသတ်ခံခဲ့ရတဲ့ ဓမ္မအာဇာနည်အဖြစ်ကြည်ညိုခံရတာကြောင့် ပန်းချီပန်းပုတွေမှာတော့ သူရဲ့ပုံတူကို လွှတ်တစ်လက်နဲ့ အတူထည့်သွင်းရေးဆွဲကြလေ့ရှိပါတယ်။ အီဂျစ်၊ စပိန်နဲ့ လစ်ဗျား သို့တိုင်သွားပြီး သာသနာပြုခဲ့တဲ့ တမန်တော်ကြီးလည်းဖြစ်ပါတယ်။ စိန့် ဆိုင်မွန်ဟာ စာပို့သမားတွေ လွှဆွဲသမားတွေနဲ့ သားရေနယ်သမားတွေကို မှိုင်းမတဲ့ ရဟန္တာလည်းဖြစ်ပါတယ်။
====================
စိန့်ဂျုဒ်ကိုတော့ ခရစ်တော်ရဲ့ ဝမ်းကွဲညီအစ်ကိုတော်စပ်သူဖြစ်တယ်လို့သိရပါတယ်။ ဘာလို့ဆို စိန့်ဂျုဒ်ဟာ စိန့်ဂျိုးဇက်ရဲ့ တူတော်စပ်သူဖြစ်တာကြောင့်ပဲဖြစ်ပါတယ်။
ကျမ်းရေးပုဂ္ဂိုလ် စိန့်လုကာရဲ့ ကျမ်းစာတွေမှာ စိန့်ဂျုဒ်ကို တိုက်ရိုက်ရေးသားဖော်ပြတာကိုတွေ့ရပြီး ခရစ်ဝင်ကျမ်းတွေဖြစ်တဲ့ မာတေဦးနဲ့ မာကုကျမ်းတွေမှာလည်း သူ့ကို Thaddeus ဆိုတဲ့နာမည်နဲ့ ဖော်ပြထားတာကိုတွေ့နိုင်ပါတယ်။ နောက်ဆုံးညစာစားပွဲမှာ ``ကိုယ်တော်သည် လောကီသားတို့အား မပြဘဲ တပည့်တော်တို့အား မိမိကိုယ်ကို မည်ကဲ့ သို့ ထင်ရှား ပြ တော်မူ မည်နည်း´´ မေးလျှောက်ခဲ့တဲ့ တမန်တော်ကြီးလည်းဖြစ်ပါတယ်။ Thaddeus ဆိုတဲ့နာမည်ရဲ့အဓိပ္ပာယ်ကတော့ သန်မာသူလို့သိရပါတယ်။ စိန့်ဂျုဒ်မှာ အာမေးနီးယားမှာ တရားတော်အတွက် အသတ်ခံခဲ့ရပါတယ်။ အလုပ်သမားတွေနဲ့ ကျန်းမာရေးလုပ်သားတွေကို မှိုင်းမတဲ့ ရဟန္တာလည်းဖြစ်ပါတယ်။
😇😇😇😇😇😇😇😇😇😇😇😇😇😇😇😇
No comments:
Post a Comment