ဆက်လျှောက် 💪💪
💠💠💠💠💠💠💠
ဖြစ်ချင်တာတွေ ဖြစ်မလာသေးတဲ့အခါ
ရည်မှန်းချက်နဲ့ ကြိုးစားမယ်။
မဖြစ်ချင်ချင်တာတွေ ဖြစ်နေရတဲ့အခါ
သည်းခံစိတ်နဲ့ ဆက်လျှောက်မယ်။
ဘာအတွက်နဲ့မှ စိတ်ကို
အလေလွင့် အဆုံးရှုံးမခံနဲ့။
တစ်ချို့အရာတွေက ကံနဲ့ဆိုင်သလို
တစ်ချို့အရာတွေက အားထုတ်မှု အနည်းအများနဲ့
ဆိုင်တယ်။
လုပ်ပိုင်ခွင့်ရတဲ့အချိန်မှာ အကောင်းဆုံး ကြိုးစားခဲ့ရင်
ဘယ်လိုရလဒ်အတွက်ကြောင့်မှ
နောင်တရစရာ မလိုဘူး။
အိပ်မက်တွေက ဈေးကြီးတယ်။
တတ်နိုင်သလောက် နည်းနည်းချင်း စုသွားရင်တော့
တစ်နေ့မှာ အိပ်မက်အကောင်းစားကြီးတစ်ခုကို
လက်ဝယ်ပိုင်ပိုင် ရရှိမှာပါ။
မကြိုးစားဘဲနဲ့ ညည်းညူနေတာဟာ
လူညံ့ လူဖျင်းတွေ လုပ်နေကျအလုပ်ပါ။
မျှော်လင့်ချက်တွေ အရောင်မမှိန်သရွေ့
ငါတို့မှာ တောက်ပတဲ့အနာဂတ်တွေ ရှိတယ်။
လဲကျရင် ပြန်ထမယ်
ထိုးနှက်ရင် သည်းခံမယ်။
နှေးရင် နှေးပါစေ
ရပ်မနေဖို့သာ အရေးကြီးတာပါ။
ဆက်လျှောက်နေသရွေ့
ပန်းတိုင်သွားတဲ့လမ်း မပျောက်ပါဘူး။
တစ်နေ့ရောက်ဖို့ လျှောက်နေဖို့ပဲ လိုပါတယ်။
အလင်းသစ်(သဲကုန်း)
သာယာသောနေ့လေးဖြစ်ပါစေခင်ဗျာ 😊💕
Kyaw Swar Htun
No comments:
Post a Comment